-Jahan-E-KHwab-E-Mehrban Ki KHair Ho

-jahān-e-ḳhvāb-e-mehrbāñ kī ḳhair ho

mire zamīn-o-āsmāñ kī ḳhair ho

havā kā rañg Dhañg hī kuchh aur hai

duā karo ki āshiyāñ kī ḳhair ho

vo chāhtā hai apnī ik salāmtī

maiñ chāhtā huuñ kārvāñ kī ḳhair ho

jahāñ hai tīrgī vahāñ ho raushnī

jahāñ hai raushnī vahāñ kī ḳhair ho

ye jazb-o-kaif yuuñ hī mustaqil raheñ

duā hai dil ke āstāñ kī ḳhair ho

Leave a Comment