dil ba-az-kaba hai yaran jubba-sa.i chahiye
hai ḳhuda ka ghar yahi lekin safa.i chahiye
dad-e-haq dekha to mutlaq niin hai muhtaj-e-saval
hai vahan baḳhshish hi baḳhshish be-nava.i chahiye
yaar ki na-mehrbani par na kiije kuchh ḳhayal
jo hain mahbub un ke ta.iin be-e’tina.i chahiye
apne hi ghar men ḳhuda.i hai jo koi samjhe ‘huzur’
haan magar qaid-e-ḳhudi se Tuk riha.i chahiye
Leave a Reply