ham roz jo laḌte hain tamasha nahin hota
ma.amul ka jhagḌa koi jhagḌa nahin hota
main bachche khilata huun to vo jaate hain picture
ye roz ka ratib hai jo nagha nahin hota
leader ki ye pahchan ki vo phulta jaa.e
sha.ir ki ye pahchan ki moTa nahin hota
har ek mulazim ka hai ye haal ki ghar men
chaval nahin hote kabhi aaTa nahin hota
ye soch ki lauTata nahin qarz kisi ka
ahbab se manga hua qarza nahin hota
gar laTri uTh jaa.e to kya ThaaT se guzre
ye ḳhvab hai andhon ka jo puura nahin hota
har chiiz ki qillat hai ‘rahim’ aaj vatan men
afsos ki kumba koi chhoTa nahin hota
Leave a Reply