Saleem Ahmed
kin naqabon men hai mastur vo husn-e-ma.asum
ai miri chashm-e-gunahgar tujhe kya malum
hal-e-dil qabil-e-iz.har nahin hai varna
mere chup rahne ka kuchh aur nahin hai mafhum
ajnabi huun main tire shahr-e-karam men ai dost
kya hai is shahr ka dastur mujhe kya ma.alum
dil-e-ḳhush-fahm ye kahta tha bula lega koi
jab main uTTha tha tiri bazm se ho kar maghmum
vo shab-e-hijr vo asar-e-sahar aur dil men
Dubti TuTti miTti hui yadon ka hujum
ek paikar hai ḳhud se jise kahte hain vafa
husn-e-na-karda tamanna ko vafa kya ma.alum
talib-e-dad-e-suḳhan aap bhi hain kis se ‘salim’
vo ki hain jis ki ḳhamoshi men bhi lakhon mafhum
Leave a Reply