dil se har-dam hamen avaz-e-buka aati hai
band kanon ko bhi girya ki sada aati hai
dil se hai aankh tak aa.i asar-e-garmi-e-shauq
ashk hasrat se nigah abla-pa aati hai
gul hua koi charagh-e-sahari o bulbul
haath malti hui patton se sada aati hai
a.ina saaf sikandar ko dikhaya tu ne
ḳhuub ai ḳhizr tujhe raah bata aati hai
chhu liya dhoke se daman-e-saba tu ne to kiya
ghuncha-e-gul kahin muTThi men hava aati hai
jis qadar vasl-e-butan ka tumhen rahta hai firaq
ai ‘nasim’ utni kabhi yad-e-ḳhuda aati hai
Leave a Reply