Shohrat Bukhari
hasil-e-intizar kuchh bhi nahin
ya.ani anjam-kar kuchh bhi nahin
hasrat-e-vasl ke muqabil men
kulfat-e-intizar kuchh bhi nahin
dasht men kuchh nahin sarab to hai
baagh men gul na ḳhaar kuchh bhi nahin
kis se apni shanaḳht lete ho
aa.ina juz ghubar kuchh bhi nahin
dil men jhanko mire agar to khule
daman-e-tar taar kuchh bhi nahin
kaun ham se mile ki paas apne
juz dil-e-daghdar kuchh bhi nahin
aa nafas do nafas ko mil baiThen
saans ka e’tibar kuchh bhi nahin
Leave a Reply