Asad Badayuni
jise na meri udasi ka kuchh ḳhayal aaya
main us ke husn pe ik roz ḳhaak Daal aaya
ye ishq ḳhuub raha bavajud milne ke
na darmiyan kabhi lamha-e-visal aaya
ishara karne lage hain bhanvar ke haath hamen
ḳhosha ki phir dil-dariya men ishti.al aaya
muravvaton ke samar daghdar hone lage
mohabbaton ke shajar tujh pe kya zaval aaya
hasin shakl ko dekha ḳhuda ko yaad kiya
kisi gunah ka dil men kahan ḳhayal aaya
ḳhuda bacha.e tasavvuf-gazida logon se
koi jo sher bhala sun liya to haal aaya
Leave a Reply