mausam-e-gul tire in.aam abhi baaqi hain
shahr men aur gul-andam abhi baaqi hain
aur khil ja ki ma.arif ki guzargahon men
pech ai zulf-e-siyah-fam abhi baaqi hain
ik subu aur ki lauh-e-dil-e-mai-noshan par
kuchh nuqush-e-sahar-o-sham abhi baaqi hain
Thahar ai bad-e-sahar is gul-e-nau-rasta ke naam
aur bhi shauq ke paigham abhi baaqi hain
uTTho ai shab ke ghazalo ki sahar se pahle
chand lamhat-e-ḳhush-anjam abhi baaqi hain
intizar ai dil-o-dida ki hazaron asrar
saa.e ki tarah tah-e-jam abhi baaqi hain
khol kar kijiye tashrih-e-sar-e-misra-e-zulf
is navishte men kuchh ib.ham abhi baaqi hain
ai sahi-qad tiri nisbat se sab unchi qadren
bavajud-e-ravish-e-am abhi baaqi hain
ham men kal ke na sahi ‘hafiz’-o-‘ḳhayyam’ ‘zafar’
aaj ke ‘hafiz’-o-‘ḳhayyam’ abhi baaqi hain
Leave a Reply