Poet
nahin band-e-qaba men tan hamara
hai uryani hi pairahan hamara
rakhen apne ta.iin ham kis tarah dost
ho tujh sa shaḳhs jab dushman hamara
hain ye kahida ham gham se ki juun sham.a
hai ek ab jeb aur daman hamara
nazar men ka.aba kya Thahre ki yaan dair
raha hai muddaton maskan hamara
chaman men gar hai tu bulbul to min-ba.ad
hain ham aur gosha-e-gulḳhan hamara
bahar-e-dagh thi jab dil pe ‘qa.em’
ajab sarsabz tha gulshan hamara
Leave a Reply