Poet
vasl ki shab bhi ada-e-rasm-e-hirman men raha
sub.h tak main iltimas-e-shauq-e-pinhan men raha
mar ga.e lakhon shahid-e-naz kuchh parva nahin
vo tamasha-e-hilal-e-id-e-qurban men raha
kaam apna kar chuki bimari-e-ishq-e-butan
main fareb-e-nusḳha-o-tasir-e-darman men raha
vaah re pas-e-vafa allah ri sharm-e-arzu
har nafas hamrahi-e-umr-e-gurezan men raha
kya paḌhe ash.ar ‘taslim’-e-jigar-afgar ne
shor-e-tahsin har taraf bazm-e-suḳhan-dan men raha
Leave a Reply