Kya Tujh Par Bhi Bechaini Si Tari Hai

kya tujh par bhi bechaini si taari hai

mujh par to ye hijr bahut hi bhari hai

bhago bhago duniya ke pichhe bhago

mujh ko mujh men rahne ki bimari hai

be-adabi ki baat adab se karte hain

kam-zarfon men kis had tak makkari hai

jis shohrat par tum itna itrate ho

main ne us ko har dam thokar maari hai

tera gham hai jo likhvata rahta hai

varna mujh men kab itni fankari hai

Leave a Comment