vo le ke dil ko ye sochi kahin jigar bhi hai
nazar TaTol rahi hai ki kuchh idhar bhi hai
hanso na khol ke zulfen bala-nasibon par
bala-nasib jahan men tumhara sar bhi hai
vo bigḌe sun ke magar sun to li hamari aah
ye be-asar hi nahin balki ba-asar bhi hai
junun ko vo banavaT samajh raha hai abhi
ye sun liya hai kisi se ki mere ghar bhi hai
firaq men ye naya tajraba hua mujh ko
ki ek raat zamane men be-sahar bhi hai
ye kah ke hashr se bhaga main apna ji le kar
ilahi ḳhair yahan to vo fitna-gar bhi hai
mujhe to aap men is vaqt tum nahin milte
kahan ho ‘shauq’ kuchh apni tumhen ḳhabar bhi hai
Leave a Reply