Swapnil Tiwari
vo lauT aa.i hai office se hijr ḳhatm hua
hamare gaal pe ik kis se hijr ḳhatm hua
phir ek aag lagi jis men vasl ki thi chamak
ḳhayal-e-yar ki machis se hijr ḳhatm hua
tha bazm-e-duniya men mushkil hamara milna so
nikal ke aa ga.e majlis se hijr ḳhatm hua
bhali sharab hai ye vasl naam hai us ka
bas ek jaam piya jis se hijr ḳhatm hua
tumhare hijr men sau vasl se guzar kar bhi
ye sochta huun kahan kis se hijr ḳhatm hua
Leave a Reply