dil bhi kya kya ḳhvahish karta rahta hai
jab dekho farma.ish karta rahta hai
mere us ke biich men kitni duuri hai
vo is ki paima.ish karta rahta hai
dil us ka andar se TuuTa hai lekin
chehre ki zeba.ish karta rahta hai
vaqif hai halat-e-chaman se to phir bhi
ḳhushbu ki farma.ish karta rahta hai
dil ko ḳhuub pata hai vo harja.i hai
phir bhi ye gunja.ish karta rahta hai
Leave a Reply