Poet
ja na tu hasrat-e-didar abhi baaqi hai
ik ramaq mujh men dam-e-yar abhi baaqi hai
kyuun na dekhun unhen nazron se ḳharidar ki main
husn ki garmi-e-bazar abhi baaqi hai
sab hue hasrat-o-arman to shab-e-gham men shahid
rah gaya ik ye gunahgar abhi baaqi hai
mil ke bhi mujh se khaTakte rahe har baat pe vo
ḳhaar nikla ḳhalish-e-ḳhar abhi baaqi hai
uTh ke ‘tanvir’ ke pahlu se na jaana ghar ko
dopahar raat sitamgar abhi baaqi hai
Leave a Reply