vo kya zindagi jis men joshish nahin
vo kya aarzu jis men kavish nahin
junun a.ina-dar-e-soz-e-darun
junun par ḳhushi ki navazish nahin
muqaddar ka marhun-e-minnat hai ye
tira martaba vaj.h-e-nazish nahin
haqiqat ka akkas mera kalam
tasanno nahin is men koshish nahin
ye iz.har-e-sada hai jazbat ka
kamal-e-hunar ki numa.ish nahin
zamane se huun be-niyaz is qadar
sata.ish ki bhi dil men ḳhvahish nahin
ye kya ho gaya tere maktub men
ta.alluq ka rang-e-nigarish nahin
use mil sake kamyabi kahan
madad-gar jis ki sifarish nahin
vo be-bak azad-guftar hai
kabhi ‘krishn’ mohan ko bandish nahin
Leave a Reply