Poet
vo kya hai kaun hai ye to zara bata mujh ko
ki jis ne sang men tabdil kar diya mujh ko
main kho na ja.un kahin dasht-e-na-muradi men
tu apni a.ankhon ki aghosh men chhupa mujh ko
kisi tarah na tilism-e-sukut TuuT saka
vo de raha tha bahut duur se sada mujh ko
main dusron ki malamat ka bojh sah lunga
magar tu apni nazar se na yuun gira mujh ko
main tere samne phir sar-buland ho na sakun
gunah ki ret men is tarah mat daba mujh ko
badan ki aag ko oḌha hai chadaron ki tarah
mili hai ḳhuub mire jurm ki saza mujh ko
Leave a Reply