Poet
vo ḳhamushi hai ki ḳhud se Dara hua huun main
pata nahin kise avaz de raha huun main
kuchh aise Dhab se ghaTa hai ga.e dinon men chand
mire ye dhyan paḌa hai ki miT raha huun main
palaT rahunga abhi ghar bahut udaas na ho
pahaḌiyon se guzarti hui sada huun main
hui jo shaam to dil men udasiyan utrin
charagh jalne lage hain to bujh gaya huun main
vahi shabab vahi bekasi kabhi pahle
guman hai ki isi raah se gaya huun main
vo ek jism vahi kau.dta lapakta jism
ki jis ke rang ki nisbat se jogiya huun main
kabhi kabhi mire sapnon ko chhin leti hai
vo ik nigah ki jis ka luTa hua huun main
labon pe tark-e-ta.alluq ki baat aate hi
har ek zaḳhm pukara abhi hara huun main
kuchh aise Dhab se mujhe log ‘ashk’ kahte hain
ki apne naam se begana ho chala huun main
Leave a Reply