Poet
vo kaun se ḳhatre hain jo gulshan men nahin hain
ham maut ke munh men hain nasheman men nahin hain
ye jashn-e-tarab aur ye be-rangi-e-mahfil
do phuul bhi kya vaqt ke daman men nahin hain
chhup chhup ke kise barq-e-havas DhunDh rahi hai
ginti ke vo ḳhoshe bhi to ḳhirman men nahin hain
imroz ke dikhte hue dil ki main sada huun
diroz ke nauhe mire shevan men nahin hain
chak-e-jigar ai dast-e-karam si to raha hai
girhen to kahin rishta-e-sozan men nahin hain
majbur ab itna bhi asiron ko na samjho
aise bhi hain kuchh tauq jo gardan men nahin hain
rang-e-nigah-e-shauq bhare kaun chaman men
tinke bhi to ‘yaqub’ nasheman men nahin hain
Leave a Reply