janab-e-shaiḳh ki harza-sara.i jaari hai
udhar se zulm idhar se duha.i jaari hai
bichhaḌ gaya huun magar yaad karta rahta huun
kitab chhoḌ chuka huun paḌha.i jaari hai
tire alava kahin aur bhi mulavvis huun
tiri vafa se miri bevafa.i jaari hai
vo kyuun kahenge ki donon men amn ho jaa.e
hamari jang se jin ki kama.i jaari hai
ajiib ḳhabt-e-masiha.i hai ki hairat hai
mariz mar bhi chuka hai dava.i jaari hai
Leave a Reply