Waqif Nahin to Uske Labon Ko Kanwal Na Likh

vāqif nahīñ to us ke laboñ ko kañval na likh

alfāz ko ḳhizāb lagā kar ġhazal na likh

momin ke saath sirf ḳhudā hai sanam nahīñ

us bekasī ko uqda-e-mushkil kā hal na likh

lafzoñ meñ kab simaTtā hai vo sehr-e-be-karāñ

sheroñ ko husn-e-dost kā nemul-badal na likh

insān aap apnī tabāhī ko kam nahīñ

duniyā kī is tabāhī ko kār-e-ajal na likh

‘sahbā’ ke saath saath na chal sāya-e-zamīr

ai mere ham-nashīñ mirī fard-e-amal na likh

Leave a Comment