vo kaash maan leta kabhi ham-safar mujhe
to rasto ke pech ka hota na Dar mujhe
be-shak ye aa.ina mujhe ji bhar sanvar de
par dekhti nahin hai ab us ki nazar mujhe
divar jo giri hai to ilzam kis ko duun
meri ḳhushi hi laa.i thi sajan ke ghar mujhe
mayusiyon ne shakl ki rangat bigaḌ di
pahchanta nahin hai mira hi nagar mujhe
aa.i thi is taraf to kyuun mujh se mili nahin
ab ke bahar lag rahi hai muḳhtasar mujhe
main ‘chandni’ huun nuur hai mujh se jahan men
dikhla raha hai kaun andhere ka Dar mujh
Leave a Reply