Qamar Jameel
shaiḳh ke ghar ke samne ab-e-haram Daal duun
jam-o-subu ki aag men apna kalam Daal duun
shahr ke is hujum men jiine ka hausla rakhun
apne junun ki aag men shahr ki shaam Daal duun
sub.h se kuchh ajiib gham dasht men hain hamare saath
in ke saron pe main zara chadar-e-sham Daal duun
bistar-e-marg par mujhe jiine ke ḳhvab de ga.e
ja.un unhi ke samne un ka kalam Daal duun
aaj shab-e-visal hai dekhenge aap hijr bhi
aag jala ke ishq ki is men davam Daal duun
Leave a Reply