misal-e-ishq talab ki jo us ne tashrihan
bayan kar diya ahval-e-qais tafsilan
ḳhabar nahin ki nikal jaa.en ham kidhar tab.an
so kar diya gaya paband ham ko qanunan
samajh men aa.e jo aisa karen vo majburan
hudud toḌte rahte hain log tafrihan
use murid samajhte hain ye ḳhizr-surat
koi salam bhi kar de unhen jo ta.aziman
kiya saval ye jab bhi ki mera kaam hua
mila javab ki bas ho gaya hai taqriban
Leave a Reply