ali-sardar-jafri

Shakh-E-Gul Hai Ki Ye Talwar Khinchi Hai Yaro

shakh-e-gul hai ki ye talvar khinchi hai yaaro

baagh men kaisi hava aaj chali hai yaaro

kaun hai khauf-zada jashn-e-sahar se puchho

raat ki nabz to ab chhut chali hai yaaro

taak ke dil se dil-e-shisha-o-paimana tak

ek ik buund men sau shama jali hai yaaro

chuum lena lab-e-lalin ka hai rindon ko rava

rasm ye bada-e-gul-gun se chali hai yaaro

sirf ik ghuncha se sharminda hai aalam ki bahar

dil-e-khun-gashta ke honton pe hansi hai yaaro

vo jo angur ke khoshon men thi manind-e-nu.jum

Dhal ke ab jaam men khurshid bani hai yaaro

bu-e-khun aati hai milta hai baharon ka suragh

jaane kis shokh sitamgar ki gali hai yaaro

ye zamin jis se hai ham khak-nashinon ka uruuj

ye zamin chand sitaron men ghiri hai yaaro

jura-e-talkh bhi hai jam-gavara bhi hai

zindagi jashn-gah-e-bada-kashi hai yaaro

More Poems

Leave a Comment