Shakeel Gwaliari
vo kahan qasr-e-ali-shan men ḳhush
ham gharibon ke hain gumnam men ḳhush
duur se dekhne se lagte hain
sab sitare hain asman men ḳhush
dhuup usi raste men aati hai
ek darvaza hai makan men ḳhush
rah-giron ko rok leti hai
charpa.i hai sa.eban men ḳhush
TukḌe TukḌon men baT ga.i duniya
kuchh purane hain ḳhandan men ḳhush
kaghazon par saje sunahre ḳhvab
log hote rahe plan men ḳhush
ho saliqa agar baratne ka
lafz rahte hain har zaban men ḳhush
Leave a Reply