Tashna Azmi
vo kabhi bistar kabhi chadar bichhate rah ga.e
niind ki aghosh men ham jaate jaate rah ga.e
ham ne kaali raat men saara safar tai kar liya
jin ke zimme raushni thi chand laate rah ga.e
raat aa.i chand nikla saare panchhi so ga.e
chandni men ham magar dil ko jalate rah ga.e
chand ne qimat vasuli chandni ki bar-ha
ham sitare asman par jhilmilate rahe ga.e
aur ham karte bhi kya us dil-shikan ke samne
sabr ki murat bane bas muskurate rah ga.e
koi to ahl-e-vafa hoga isi ummid par
umr bhar har ek se dhoka hi khate rah ga.e
ai amir-e-shahr teri aabru ki fikr men
chand qisse mere lab par aate aate rah ga.e
ab ḳhayal aaya hamen ‘tashna’ ki ik muddat se ham
dastan-e-gham unhen na-haq sunate rah ga.e
Leave a Reply