Wo Jo Umr Bhar Mein Kahi Gai Sar-E-Sham-E-Hijr Likhi Gai

Quaiser Khalid

vo jo umr bhar men kahi ga.i sar-e-sham-e-hijr likhi ga.i

vahi dastan-e-vafa miri mare honT kis liye si ga.i

hue qaid jurm-e-vafa pe bhi ki hisar-e-zulm nasib tha

miri fard-e-jurm ajiib hai jo mire lahu se likhi ga.i

ye shu.ur-e-zist hai naseho nahin kaam dengi nasihaten

mire shahr-e-ishq tiri bina miri zaat se hi rakhi ga.i

na.e naam manzar-e-auj par hain na.e hi qisse nisab men

jo shahadaton ki thi dastan vahi hashiye pe rakhi ga.i

jo paḌha tha dars-e-nisab men vo nazar na aaya tamam umr

na.e tajrabat-e-jahan liye sar-e-hashr bhi be-kasi ga.i

kahin mil na paa.e vo dam-e-fan the jo zehn-o-dil men liye hue

vo amir-e-shahr vo shahr-e-zar ki vo vahan bhi to bebasi ga.i

vo murad-e-ḳhas jo umr bhar rahi jan-o-dil se aziz-tar

hue ham kabhi jo qarib-tar to jhijhak hi honTon ko si ga.i

na to ḳhvahishen kabhi kam huiin na hi aas TuuTi kabhi miri

tha ajiib rishta yaqin se mire saath hi muflisi ga.i