na ham-ahang-e-masiha na harif-e-jibril
tera shair ki hai zindani-e-gesu-e-jamil
kis ki ankhon men ye ghaltan hai javani ki sharab
khol di aah ye kis ne mai-e-gul-gun ki sabil
kis taraf jaae kahan jaae bata do koi
zulf-e-pur-kham ka giraftar nigahon ka qatil
alam-e-yas men kya chiiz hai ik saghar-e-mai
dasht-e-zulmat men jis tarah khizr ki qindil
kitni dushvar hai piran-e-haram ki manzil
is taraf fitna-e-iblis udhar rabb-e-jalil
uf ye tufan-e-nashat aur miri tab-e-hazin
aah ye yurish-e-naz aur main majruh o aliil
aah vo hosh ka aalam vo ghamon ka tufan
uf ye masti ki hai phir hosh men aane ki dalil
Leave a Reply