ai dil un ankhon par na ja
jin men vafur-e-ranj se
kuchh der ko tere liye
aansu agar lahra gae
ye chand lamhon ki chamak
jo tujh ko pagal kar gai
in jugnuon ke nuur se
chamki hai kab vo zindagi
jis ke muqaddar men rahi
subh-e-talab se tirgi
kis soch men gum-sum hai tu
ai be-khabar nadan na ban
teri fasurda ruuh ko
chahat ke kanton ki talab
aur us ke daman men faqat
hamdardiyon ke phuul hain
Leave a Reply