Abu Mohammad Sahar
maana apni jaan ko vo bhi dil ka rog lagaenge
ahl-e-junun khud kya samjhe hain naseh kya samjhaenge
shayad ashk o aah se hi ab bar-e-alam kuchh halka ho
ham bhi karenge shola-fishani ham bhi lahu barsaenge
ji na sakenge jiine vaale tark-e-taalluq kar ke magar
aap ko bhi kuchh vahshat hogi aap bhi kuchh pachhtaenge
milna tera mushkil tha to ji lete is mushkil par
pa kar tujh ko khone vaale kyunkar ji bahlaenge
Leave a Reply