jo apne aap ko sab kuchh samajh le
na jaane aap ko kab kuchh samajh le
mukarrar is liye samjha raha huun
bahut mumkin hai vo ab kuchh samajh le
nasihat ka tujhe tab haq milega
tu apne aap ko jab kuchh samajh le
dua ke baad bhi ye iltija hai
ziyada kah gaya ab kuchh samajh le
yahan sab kuchh kise hasil hua hai
jo hasil hai use sab kuchh samajh le
taghaful ko na itna kaam men la
guzar jaegi ye shab kuchh samajh le
Leave a Reply