vo jo shaḳhs apne hi taaḌ men so chhupa hai dil hi ki aaḌ men
na vo basti men na ujaaḌ men na vo jhaaḌ men na pahaḌ men
mujhe kaam tujh se hai ai junun na kahun kisi se na kuchh sunun
na kisi ki radd-o-qadah men huun na ukhaḌ men na pachhaḌ men
ye saba ne qais se aa kaha ki suna kuchh aur bhi majra
tire paas se jo chala gaya to khaḌa hai naaqa ujaaḌ men
are aah tu ne ghazab kiya mire dil ko mujh se tuḌa liya
miri ji ko le ke jala diya paḌi iḳhtilat ye pahaḌ men
ḳhafagi bhi turfa hai ek shai paḌe qisse hote hain lakhon tai
vo kahan milap men lutf hai jo maza hai un ki bigaḌ men
mizha par hai para-e-dil thanba vo masal hui hai ab ai ḳhuda
ki daraḳht se jo kabhi gira to vo aTka un ke hi jhaaḌ men
kahin khiḌkiyon ki taraf bandhi miri TikTiki to ai lo abhi
gul-e-nargis aa ke laga ga.i vo pari har ek daraḌ men
miri dil men nashshe ka hai makan mujhe sujhti hain vo mastiyan
ki khajuri choTiyon valiyan paḌi phirti hain mire taaḌ men
baḌi daḌhiyon pe na ja dila ye sab ahuon ki hain mubtala
ye shikar kaise hain barmala inhin TaTTiyon ki to aaḌ men
khaḌi jhankti hai vahi pari nahin shub.h is men to vaqa.i
vo jo itr-e-fitna ki baas thi so rachi hui hai kivaḌ men
na kar apni jaan ko muzmahil are ‘insha’ un se laga na dil
tu digar na hovega munfa.il kahin aa gaya jo lataḌ men
Leave a Reply