poet

Dukhata Hai Mera Dil Be Alif Re

dukhata hai mira dil be alif re

hua huun ranj se main ze alif re

udain dhajjiyan bhi tu ne lekin

chhuta daman na tujh se khe alif re

gareban-gir hai ye jo vahshat

na rakkha naam ko bhi te alif re

khushi se kaat le qatil mira sar

hua hai ab to mujh ko be alif re

nigahon ko kahun kyun-kar na barchhi

ki siine se hui hain pe alif re

ilahi ze alif re to hua huun

pa chashm-e-ghair men huun khe alif re

liya hai dil tumhara us ne ‘anjum’

kare ankhen vo kyunkar che alif re

tasavvur gul-rukhon ka ‘asman’ kyuun

gale ka ho gaya hai he alif re

More Poems

Leave a Comment