vo jo log ahl-e-kamal the vo kahan ga.e
vo jo aap apni misal the vo kahan ga.e
mire dil men rah ga.i sirf hairat-e-a.ina
vo jo naqsh the ḳhad-o-ḳhal the vo kahan ga.e
giri asman se to ḳhaak ḳhaak men aa mili
kabhi ḳhaak men par-o-bal the vo kahan ga.e
sar-e-jan ye kyuun faqat ek shaam Thahar ga.i
shab-o-roz the mah-o-sal the vo kahan ga.e
mire zehn ka ye shajar udaas udaas hai
vo jo ta.iran-e-ḳhayal the vo kahan ga.e
Leave a Reply