Wo Zar Hun Ki Sar Pe Gulistan Utha Liya

vo zaar huun ki sar pe gulistan utha liya

vo khaar huun ki pahlu-e-gul ko daba liya

kya mujh se chaal chalte vo main bhi huun chaliya

katra ke chal diye the ki banda ne ja liya

kya baat bosa-e-lab-e-jan-bakhsh yaar ke

panje se maut ke mujhe us ne bacha liya

main jaise naale karta huun un ke khayal men

gaay to is tarah se gavayya khayaliya

un ki gali ke kutte se tu munh ki khaega

haDDi ka mere naam jo tu ne huma liya

tasvir khinchta huun sarapa-e-yar ki

hain alam-e-misal ki sher-e-misaliya

uthva diya raqib ko vaan baith baith ke

aise jame ki ham ne bhi naqsha jama liya

daghon ki bas dikha di divali men raushni

ham sa na hoga koi jahan men divaliya

kahne lage murid ki pahunche hue hain aap

muusa bana vo haath men jis ne asa liya

aise na jeb-katre kahin hain na gath-kate

pahlu men baithte hi dil us ne uda liya

aaya shabab ruup pe husn-o-jamal hai

is baagh men bahar ne rang ab jama liya

vaaiz hisab denge vahan tujh se dana-zad

ravaq ka hai shukr jo khilvaya kha liya

yaad aa gai jo ham ko vo gardan surahi-dar

shishe ko mai-kade men gale se laga liya

lillah bu-e-gul se na kar mujh ko bad-dimagh

khushbu uda ke un ke badan ki saba liya

aate hain vo kahin se to ai ‘mehr’ qarz daam

chikni Dali ilaichi manga paan chhaliya

Leave a Comment