teri yadon men kho.e rahen meri jaan
itni mohlat kise itni fursat kahan
jis jagah Tap se aansu ka qatra gira
ek sho.ala sa bhaḌka vahin na-gahan
ham se kya puchhte ho hamen kya ḳhabar
aag kyuun lag ga.i ashiyan ashiyan
ham bhaTakte rahe dasht-e-zulmat men
phuul hanste rahe gulsitan gulsitan
haa.e vo ajnabi log ik shahr ke
ashna ashna mehrban mehrban
sach hai tu ne kabhi mujh ko chaha na tha
dil kahan, ek hone ki surat kahan
tu ne kab mujh se bandha tha ahd-e-vafa
ḳharzaron men basti nahin titliyan
‘nur’ tarikiyan is qadar baḌh ga.iin
miT ga.e chand raton ke saare nishan
Leave a Reply