Arsh Siddiqui
tabinda husn-e-raz-e-baharan hamin se hai
nazm-e-ḳhizan jo hai to hirasan hamin se hai
apne lahu ka rang mila hai bahar men
laala misal-e-shola-e-raqsan hamin se hai
jalta hai apna ḳhuun hi sar-e-bazm rat-bhar
ai husn-e-be-ḳhabar ye charaghan hamin se hai
ham aaj shahr-e-yar ke ma.atub hain to kya
har-dam vo apne shahr men tarsan hamin se hai
rakkhi hai ham ne apni zaban par vafa ki tegh
nam-e-niku-e-yar pur-afshan hamin se hai
har-rang men rahe hamin sar-chashma-e-hayat
hai ka.enat ham se to yazdan hamin se hai
marhun-e-shuq bada-gusaran hai daur-e-jam
miina huzur-e-yar ghazal-ḳhvan hamin se hai
shohra tira gaya mire naghmon ke saath saath
aalam ko teri diid ka arman hamin se hai
ankhon men ‘arsh’ dard ne bhaḌka.e hain kanval
ab-e-ravan men atish-e-sozan hamin se hai
Leave a Reply