afzal-khan

Wo Jo Ek Shakhs Wahan Hai Wo Yahan Kaise Ho

vo jo ik shakhs vahan hai vo yahan kaise ho

hijr par vasl ki halat ka guman kaise ho

be-numu khvab men paivast jaden hain meri

ek gamle men koi nakhl javan kaise ho

tum to alfaz ke nashtar se bhi mar jaate the

ab jo halat hain ai ahl-e-zaban kaise ho

aankh ke pahle kinare pe khada akhiri ashk

ranj ke rahm-o-karam par hai ravan kaise ho

bhav-tav men kami beshi nahin ho sakti

haan magar tujh se kharidar ko naan kaise ho

milte rahte hain mujhe aaj bhi ‘ghalib’ ke khutut

vahi andaz-e-takhatub ki miyan kaise ho

More Poems

Leave a Comment