itna ehsan to ham par vo khudara karte
apne hathon se jigar chaak hamara karte
ham ko to dard-e-judai se hi mar jaana tha
chand roz aur na qatil ko ishara karte
le ke jaate na agar saath vo yaden apni
yaad karte unhen aur vaqt guzara karte
zindagi milti jo sau baar hamen duniya men
ham to har baat ise aap pe vaara karte
‘josh’ dhundlata na hargiz ye mira shisha-e-dil
gard us ki vo agar roz utara karte
Leave a Reply