darpai-e-umr-e-rafta huun yarab
har-dam az-khud guzishta huun yarab
kya huun maqbul-e-tab-e-ahl-e-sukhan
ek mazmun-e-basta huun yarab
kya dikhaun main apne jauhar aah
shakl-e-tegh-e-shikasta huun yarab
apni kam-fursati kahun kya aah!
aah az-sina jasta huun yarab
paani paani huun jis ko dekh jahim
soz-e-gham se vo tafta huun yarab
dekho kya ho ki vaan hai naz-e-ghurur
main ye ahval-e-khasta huun yarab
Leave a Reply