poet

Dil Ki Ek Ek Kani Bichhati Hun

dil ki ek ik kani bichhati huun

rat-bhar raushni bichhati huun

shayad aaj aae vo mujhe milne

sahn men chandni bichhati huun

dekhiye Dubta hua suraj

baithiye odhni bichhati huun

odh leti huun hijr bistar par

apni khasta-tani bichhati huun

khud to rahti huun dhuup men ‘janan’

us pe chhanv ghani bichhati huun

More Poems

Leave a Comment