Khawaja Javed Akhtar
ankhon men biij ḳhvab ka bone nahin diya
ik pal bhi us ne chain se sone nahin diya
ashkon se dil ka zaḳhm bhi dhone nahin diya
mujh ko ḳhud apne haal pe rone nahin diya
ye aur baat hai vo mira ho nahin saka
lekin mujhe kisi ka bhi hone nahin diya
gum hona chahta tha main ḳhud apne aap men
mujh ko tire guman ne khone nahin diya
shamil hai us ki zaat men mera vajud bhi
tanha kisi bhi moḌ pe hone nahin diya
Leave a Reply