ain-irfan

Kya Kisi Baat Ki Saza Hai Mujhe

kya kisi baat ki saza hai mujhe

rasta phir bula raha hai mujhe

zinda rahne ki mujh ko aadat hai

roz marne ka tajraba hai mujhe

itna gum huun ke ab mira saaya

mere andar bhi dhundta hai mujhe

chand ko dekh kar yuun lagta he

chand se koi dekhta hai mujhe

pahle to justuju thi manzil ki

ab koi kaam dusra he mujhe

ye miri niind kis maqam pe hai

ḳhvab men ḳhvab dikh raha hai mujhe

aaine men chhupa hua chehra

aisa lagta hai janta hai mujhe

More Poems

Leave a Comment