chandni ne raat ka mausam javan jaise kiya
ham ne bhi chehra farozan shisha-e-mai se kiya
pas-e-ḳhuddari to hai lekin vafa-dushman nahin
tum ne ham par tark-e-ulfat ka guman kaise kiya
ham gunahon ki shari.at se hue jab ashna
jism ne jo faisla jaise diya vaise kiya
is liye ab Dubne ke ḳhauf se hain be-niyaz
ham ne aghaz-e-safar dariyaon ki tah se kiya
raushni apni luTa.i ham ne suraj ki tarah
andhi raton men ujala mash.al-e-lai se kiya
jab shu.ur aaya to ‘farigh’ vus.at-fan ke liye
istifada ham ne duniya ki har ik shai se kiya
Leave a Reply