Ji Hech Jaan Hech Na Dil Ne Jigar Aziz

ji hech jaan hech na dil ne jigar aziiz

sab se siva hai vasl tira fitna-gar aziiz

aai khabar jo us ki to jaegi apni jaan

ab to barabar apne hua nama-bar aziiz

le jaaen apni be-hunaron pas-e-iltija

rakhte hain log is liye kasb-e-hunar aziiz

rahne na de jo vahshat-e-dil hi to kya karun

vo kaun hai ki jis ko nahin apna ghar aziiz

‘salik’ shab-e-visal men nafrat hai jis qadar

us se ziyada hai shab-e-furqat sahar aziiz

Leave a Comment