hamari ankhon ki putliyon men tira mubarak maqam haiga
palak ke pat ham ne khol dekhe to ain mah-e-tamam haiga
are sharab-e-khirad ke kaifi na kar tuun daava-e-pukhta-magzi
mai-e-mohabbat ka jaam pi tuun ki ab talak zarf khaam haiga
khayal-e-abru-e-qibla-ruyan hua hai mehrab-e-sajda-e-dil
namaz shart-e-niyaz ki padh saf-e-junun ka imaam haiga
agarche har sarv-e-rast-qamat chaman men maghrur-e-sar-kashi hai
muqabil is qadd-e-khush-ada ke miri nazar men ghulam haiga
‘siraj’ is shoala-ru siin hargiz gila rava niin hai ashiqon kuun
tamam jalti hai shama har shab abas patingon ka naam haiga
Leave a Reply