Baqa Ke Waste Ye Ehtimam Karta Hai

baqā ke vāste ye ehtimām kartā hai

hameñ jo jhuk ke zamāna salām kartā hai

hameñ jhukāne kī koshish meñ log jhukne lage

hamārā buġhz bhī kyā ḳhuub kaam kartā hai

hai saath chalnā jise haath thaam le merā

faqīr yāroñ meñ hujjat tamām kartā hai

hamāre naam se nafrat munāfiqīn ko hai

hamārā naam baġhāvat ko aam kartā hai

zamīñ pe rahte hue chup raheñge ham kaise

hamārā maulā sināñ par kalām kartā hai

Leave a Comment