baqa ke vaste ye ehtimam karta hai
hamen jo jhuk ke zamana salam karta hai
hamen jhukane ki koshish men log jhukne lage
hamara bughz bhi kya ḳhuub kaam karta hai
hai saath chalna jise haath thaam le mera
faqir yaron men hujjat tamam karta hai
hamare naam se nafrat munafiqin ko hai
hamara naam baghavat ko aam karta hai
zamin pe rahte hue chup rahenge ham kaise
hamara maula sinan par kalam karta hai
Leave a Reply