dhuup ho ki chha jaa.e phir ghaTa jo tum kah do
ḳhvahishen hamari ab aur kya jo tum kah do
kuchh udaas ghazlon ke harf main badal Dalun
aao ḳhatm kar len ye fasla jo tum kah do
tum faqat hamare ho kah diya raqibon se
sab yaqin kar lenge ik zara jo tum kah do
ilm hai kahan sab ko kya bhala bura kya hai
vo bhala jo tum kah do vo bura jo tum kah do
mat kaho ghulami tum ye vafa hamari hai
chhoḌ den jahan saara talḳhiyan jo tum kah do
Leave a Reply