ham vahi nadan hain jo ḳhvabon ko dhar kar taak par
jagte hi roz rakh deta hai ḳhud ko chaak par
dil vo dariya hai jise mausam bhi karta hai tabah
kis tarah ilzam dhar den ham kisi tairak par
ham to us ke zehn ki uryaniyon par mar miTe
daad agarche de rahe hain jism aur poshak par
ham ba-ḳhubi jante hain bas hamare jaate hi
kaise kaise gul khilenge us badan ki ḳhaak par
baat aur bevhar hi se jaan sakte hain ise
ilm ki imla likhi jaati nahin poshak par
Leave a Reply